每年都有很多中五學生放榜,

十年前我都係一個中五畢業生(轉眼間已經十年了),

十年前放榜既時候,我都是非常緊張,

當我拿到成績表後,我非常唔開心,

因為我只得三分,我怕我沒有出路,

之後......

我重讀左一年中五,但結果都係一樣(其實都好難做得到同分),

我當時覺得再讀落去都無意思,

所以我選擇左投身社會工作,

做番我做part-time果份工作......Lifeguard!!

做 ~ 做 ~ 做 ~ 一路做,轉眼間已經9年了,

有好多人覺得會好頹廢,但係我哩幾年並非頹廢地白過的!!

係哩幾年裡面我一路有自我增值,

起初我為左唔要做part-time,

所以我去考合約員工,結果考到,

但要去離島區工作(失落),照去!!

幸好都過得好開心,岩岩整整兩年就調返屯門區(開心),

轉眼間又已經四五年了,我依然積極做人,

大大話話都做左六年游泳教練了,都算儲到D錢!!

眼見好多同事都去左讀毅進計劃然後跳槽,

所以都走去讀毅進計劃,但我無諗住跳槽!!

讀了毅進差唔多一年了,

仲有一科,就讀完整個課程!

得到既有不少,失去既亦都有!

每日晚上都要上堂,

其實都蠻辛苦,

放工就要即刻趕過去!

有時朋友約去玩,都因為要上堂,

而去唔到!

其實我第一堂資訊科技進階無返

就係去左做"生命熱線既義工呢~~

雖然3個鐘不算太多,

但經常性都有功課要做,

起初真係幾辛苦,

但漸漸就習慣了!

最初上人際既時候,做既話劇,

係我以前係學校未試過的!

導師們都採用互動教學,

上堂有趣得多!!

記得英文科第一堂就要留堂(非常難忘),

因為亞sir俾我既作文真係好難,

英文係我上得最辛苦的一科!!

到下一堂,竟然有個同學仔同我講:

你唔識應該去搵其他同學仔抄Answer,

將Answer抄呀抄呀,抄到你識呢條題目為止,

如果考試唔識,就應該之前要同坐左右既同學攪好關係,

然後到時就Ok喇,當時我諗,

又好難怪出面人地歧視毅進既......

因為會考始終係公開試,毅進係閉門考試,

就算10科合格都只系政府工承認,

另一方面外界人士都覺得全日制大部份係年青人去讀,

佢地好多未出過去工作唔知道辛苦同埋學歷既重要,

最後又拎唔到合格成績,

入去都係玩玩下,讀完又係廢既,但我覺得兼讀制就唔同,

大部份都係在職人士去讀,佢地為左升職為左保住份工而讀,

當然好唔同啦!所以唔想俾人睇小,就要努力做好自己，

証明俾人俾自己睇，毅進出黎的都一樣係"掂"!!

講到最實際最有用既始終都係資訊科技,

無論上堂定係日常生活,甚至係我教學生時,

都能夠學以致用!

時間很快就過,話咁快就差唔多讀完了,

學到既野,係日常都可以用,

毅進課程很不錯呢!

中五考得唔好既我,

希望可以有更好既出路吧!!!